Ел кубогының иегерлері  біріншіліктің 30-турын түзде "Ертіспен" өткізді. Стойчо бапкер негізгі құрамға бірнеше өзгерту енгізіп, жас футболшыларға сенім артты. Кездесу алаң иелерінің шабуылымен басталды. 37 минутқа дейін қос команда да бір-бірінің шабуылына төтеп беріп, таблодағы нөлдік есеп сақталды. 37 минутта бас төреші Фурхат Атажанов Марочкинның қорғаныс әрекетін айыпты санап, пенальти белгіледі. Тіпті Марочкинды қызыл қағазбен жазалап, алаңнан қуды. 11 метрлік айып добын Жереми Манзорро сәтті орындап, командасын алға шығарды. 10 ойыншымен қалған қасқырлар қорғанып қалмай, алаң иелерін біршама рет қыспаққа алды. Кездесудің екінші жартысы басталмастан Руслан Есімов есепті еселеді. Артынша қонақтар бұрыштамадан есеп айырмасын қысқартты. Голдың авторы – Абдель Азиз Ламанж. Бұл есеп ойын соңына дейін өзгеріссіз қалып, алаң иелері үш ұпайды еншіледі. Айта кетейік, бас төреші кездесудің 80-минутында Иван Садовничийға да қызыл қағаз көрсетіп, "Қайсарды" тоғыз ойыншымен тығырыққа тіреді. Енді Сырдың бас командасы 25-қазанда "Атырауды" қабылдайды.