Бүгін аймақ басшысы Қуанышбек Досмайылұлы "Қайсар" футбол клубының ұжымымен кездесті.

Жаңа маусымға дайындығын ерте пысықтаған қасқырлар құрамына 11 жаңа футболшыны қатарға қосты. Атап айтар болсақ, Елдос Ахметов, Қуаныш Қалмұратов, Бағдат Қайыров, Ризван Аблитаров, Алфин Фортес, Режиналдо, Александр Колев, Могамед Парагульгов, Иван Пешич, Элгуджа Лобжанидзе.

Кездесу барысында команданың капитаны Асхат Тағыберген клубтың маусымға қаншалықты дайын екенін жеткізді.

- Құрметті Қуанышбек Досмайылұлы!

«Қайсар» футбол командасы өткен жылы жоғары жетістіктерге жетті. Биылғы маусымдада сол жетістіктерді қайталауға тырысамыз. Ол үшін барлық жағдай жасалуда. Түркияда дайындық жүргіздік. Жақсы футболшылар қатарымызға қосылды. Жігіттермен бірге жоғары мақсаттарға жетуге жұмыс жасаймыз. 8-наурызда «Ертіске» қарсы ойында жеңіске жетіп, өзіңіз бастаған жанкүйерлерімізді қуантуға әзірміз, - деді команда капитаны.

Жиын соңында облыс әкімі Қуанышбек Досмайылұлына "Қайсар" командасының 12 нөмірлі жейдесі табысталып, футболшылармен естелік суретке түсті.

Айта кетейік, дала қасқырлары 8-наурызда Ғ.Мұратбаев атындағы орталық стадионда "Ертіс" командасын қабылдайды.