2017 жылдың 14 сәуір күні  www.fanatik.kz (жазбаға сілтеме http://www.fanatik.kz/people/user/154/blog/11906/) сайтында ешқандай шындыққа сай келмейтін және «Қайсар» ФК-сын қаралайтын ақпарат жарияланған. Жазба авторы  Zidane-лақап атын жамылып,  дәлел мен  нақты фактысыз  ауыр қылмыс туралы айып тағып,    жалған ақпарат таратып отыр.  Аталған ақпарат  «Қайсар» ФК-сының абыройына нұқсан келтіретін ЖАЛА  деп   танылады.

Мәтіні :  «В "Кайсаре" тоже есть интересные моменты с финансами. Дело в том, что официально игроки получают 300-400 тысяч тенге за победу. Но на руки получают лишь 150. Остальные деньги оседают в кармане у одного высокопоставленного спортивного чиновника.». Мәтінде шындыққа сай келмейтін,  заңды тұлғаға (спорт шенеунігі)  қатысты ҚР қылмыстық кодексінің  № 366  бабына сәйкес заң бұзышулық   туралы   жазылған.  Мұндай негізсіз және арсыз ЖАЛАҒА «Қайсар» ФК-сының басшылығы  мәтінді жариялаған сайт басшылығына наразылығы мен  қарсылығын  білдіреді.

Жоғарыда көрсетілген  наразылық пен келіспеушілікті ескере келе ҚР ҚК 130 бабына сәйкес,  ар мен намысқа нұқсан келтіретін  жалған мәлімет таратқаны  үшін,   www.fanatik.kz сайтында жарияланған ақпарат бойынша жалған екенін растайтын мәлімдеме жасауды талап етеміз.   Мәлімдеме жақын арада сайттың Басты бетінде жариялануы тиіс! Сонымен қатар,  «Қайсар» ФК-сының басшылығы  ресми хатты алған  уақыттан бастап, 10 күн ішінде сайт басшылығы мен жазба авторынан  жоғарыда көрсетілген жалған ақпарат туралы  ресми  мәлімдеме хат жіберуді талап етеміз.

Олай болмаған жағдайда, біз клубтың абыройын  Қазақстан Республикасының заңына сәйкес, жалған сөздер мен мәлімдемелерден  қорғауға құқымызды пайдаланатынымыз туралы ескертеміз.